( කාංචන කුමාර ආරියදාස 0773416157 )

2024.06.08

ගෘහ සේවය සඳහා සෞදි රටට ගිය තම බිරිඳට අමානුසික ආකාරයෙන් ඉ ලිංගික වද හිංසා කොට පහරදීම හිරිහැර කොට නැවත ලංකාවට පැමිණීමේ සිද්ධියක් පිළිබඳව සිත් තැවුලට පත් දරුවන් හතර දෙනකුගේ පියෙක් සියදිවි හානිකර ගැනීමේ පුවතක් දඹුල්ල වෑවලවැව අලකොල වැව නමැති දුෂ්කර ගම්මානයෙන් 08 දින පෙරවරුවේ වා ර් තා විය.
මෙසේ මියගොස් ඇත්තේ ඉහත ලිපිනයේ පදිංචි බී.කේ . ජී .රංජිත් (44) සිව් දරු පියකි,
පවුලේ පැවති ජීවන දුෂ්කරතාවය හේතුවෙන් පසුගිය වසරේ නොවම්බර් මාසයේ දාහතර දින සවුදි රාජ්ගේ ගෘහ සේවය සඳහා මියගිය අයගේ බිරිඳ වන ඒ .ජි . චිත්රා පුෂ්ප කුමාරි සිව් දරු මව ගෘහ සේවයට ගොස් ඇත්තේ දඹුල්ල නගරයේ පිහිටි පුද්ගලික විදෙස් රැකියා ආයතනයක් හරහාය .
සෞදි රටේ නිවසක සේවය සඳහා ගිය තමන්ට තවත් නිවාස හතරක සේවය සඳහා යොදවමින් තමන්ගේ හාම්පුතා මුදල් උපයීමේ කටයුත්තක නිරතව සිටි බව ඇය සඳහන් කරන්නිය .
පසුව එම නිවැසි හිමියන් තමන්ට නිසි වැටුප ආහාර ආදී නොදී පහරදීම වෙනත් නිවෙස්වල ගෘහ සේවය සඳහා යොදවා ගැනීම එමෙන්ම නිවෙස් හිමියාගේ පුතෙකු නිරන්තරයෙන්ම ලිංගික වද හිංසා කිරීම සිදුකළ බවත් ඉතා අමානුෂික ආකාරයෙන් තමන්ට පහරදීම් සිදු කළ බවද ඇය සඳහන් කළාය.
එම නිවසේ හිමිකරුගේ පුතෙකුට නිරන්තරයෙන් තමන් ලිංගික වද හිංසා සිදු කිරීම පහරදීම ආදී කටයුතු සිදුකෙරෙන නිසා තමන් නිවැස් හිමි කාන්තාවට මේ බව ප්රකාශ කිරීමත් සමඟ තමන්ව නිවසේ කාමරයක දමා දින පහළොවකට අධික කාලයක් ආහාර පාන ලබා නොදී රඳවාගෙන වද හිංසා කළ බව ඇය කීවාය .
මෙම කාල වකවානුව තුළ තමන් වැසිකිළි පෝච්චියේ තිබුණු ජලය පානය කරමින් සිටි බවත් තමන්ට සිදු වූ බරපතළ හිංසනය පිළිබඳව සවුදි රටේම සිටි තමන්ගේ සහෝදරියටම දැනුම්දී ඇය හරහා විදේශ සේවා නියුක්ති කාර්යාංශයට මෙන්ම සෞදි තානාපති කාර්යාලයට සහ සෞදි පොලිසියට දැනුවත් කොට සෞදි පොලිසියේ මැදිහත්වීම මත මෙම කාන්තාව සිරකර තිබුණු ස්ථානයෙන් මුදා ගත් බවද සිද්ධියට මුහුණ දුන් චිත්රා පුෂ්ප කුමාරි මහත්මිය පැවසුවාය

පසුව තමන් මාස දෙකක වැටුප ලබාගෙන සහෝදරියගේ මැදිහත්වීම මත ලංකාවට පැමිණීමට හැකිවූ බවද ඇය සඳහන් කර සිටියාය . කෙසේ වෙතත් තමන්ට සිදුවූ බරපතළ ලිංගික වද හිංසා පහරදීම් ආදී කටයුතු තම දරු හතර දෙනාට සහ සැමියාට දැනුම් දීමකින් තොරව සහෝදරයන් සහෝදරියන්ට දැනුවත් කිරීම කළ බව ද ඇය සඳහන් කරන්නට විය
ලංකාවට පැමිණි ගමන් දඹුල්ල පොලිසියට දඹුල්ල විදේශ සේවා නියුක්ති කාර්යාංශයේ කාර් යාලයට පැමිණිලි ඉදිරිපත් කොටස තමන්ට සිදු වූ ශාරීරික වද හිංසා වලට දඹුල්ල රෝහලේ නේවාසිකව ප්රතිකාර ලැබූ බවද ඇය පැවසුවාය.
මෙම වඳ හිංසා ගැන ඇය විදේශ ගත කළ දඹුල්ල නගරයේ පිහිටි ජනතා නමින් පවත්වාගෙන යන රැකියා නියෝජිත ආයතනයට අවස්ථා ගණනාවකදී දැනුම් දුන්නද ඔවුන් නිසි ප්රතිචාරයක් නොදැක්වූ බවත් ඇය චෝදනා කළාය . මිට පෙර දඹුල්ල විදේශ සේවා නියුක්ති කාර්ය අංශයට තම ඤාතීන් කළ පැමිණිල්ල ඒක පාක්ෂිව විසදා ඉවත් කර තිබුණු බවද ඇය චෝදනා කළාය.
තමන් ලංකාවට පැමිණෙන තෙක් කිසිවෙකුත් නොදැන සිටි බවද පැවසූ ඇය දඹුල්ල රෝහලේ ප්රතිකාර ලබා නිවසට යන අවස්ථාවේදී තමන්ට සිදුවූ සිද්ධීන් පිළිබඳව සැමියා දැනුවත් කිරීමත් සමඟ ඔහු දැඩි සිත් වේදනාවට පත්ව තමන් විදේශගත කළ රැකියා නියෝජිත ආයතනයට ගොස් ඔහු සමග ගැටුම් ඇතිකර ගැනීම සඳහා උත්සහ කළ අවස්ථාවේදී තමන් සැමියාට ඇති ආදරය නිසා ගැටුමකට යාම වැළකු බව හැඬු කඳුළින් සඳහන් කළාය
තමන්ට සිදු වූ මෙම ලිංගික අතවර සහ දැඩි වද හිංසා පිළිබඳව සැමියාට ඇති වූ සිත් තැවුල නිසාම ඔහු සියදිවි හානිකර ගැනීම සිදුකළ බවද එම නිසා තමන් ඇතුළු දරුවන් හතරදෙනා තනිවූ බව ඇය හැඬු කඳුළින් කියන්නට වූවාය.
මෙම කාන්තාවගේ සහෝදර සහෝදරියන් දිගින් දිගටම ඇය සේවය කළ සවුදි අරාබියාවේ නිවසේ හිමිකරු සමඟ සවුදි භාෂාවෙන් කතා කොට ඇයට සිදු වූ සිද්ධීන් සොයා ගැනීමට හැකි වූ බවත් මෙම කාන්තාවට ලබාදී ඇති වදහිංසා සියල්ල සාක්ෂි සහිතව විදේශ සේවා නියුක්ති කාර්යාංශයට ලබාදී තිබියදීත් මෙම කාන්තාව යැවූ රැකියා නියෝජිත ආයතනයටද ඒ සියල්ල ලබා දී තිබියදීත් ට නිසි ලෙස ක්රියාමාර්ග යක් නොගැනීම හේතුවෙන් මෙම සැමියාට මෙවැනි මරණයකට ගොදුරු වූ බවත් මෙම මරණයේ වගකීම විදේශ සේවා නියුක්ති කාර්යාංශය සහ රැකියා නියෝජිත ආයතනය භාරගත යුතු බව කාන්තාව මෙන්ම පවුලේ ඥාතීන්ද චෝදනා කරති.
සිද්ධිය සම්බන්ධයෙන් විමසීම සඳහා දඹුල්ල නගරයේ පිහිටා ඇති පෞද්ගලික විදේශ රැකියා ආයතනයට යන අවස්ථාවේදී ඔවුන් කාර්යාලය වූසා දමා සැඟවී සිටීම විශේෂත්වයකි .කෙසේ වෙතත් ජංගම දුරකථනය හරහා එහි හිමිකරු සම්බන්ධ කරගෙන විමසීමේදී කියා සිටියේ තමන් අවශ්ය සියලු පියවර ගෙන තිබුණු බවය.
දඹුල්ල විදේශ සේවා නියුක්ති කාර්යාංශයේ කළමනාකරන සහකාර ජයමාලී සේනාරත්න මහත්මියගෙන් මෙම චෝදනාව පිළිබඳව විමසීමේදී කියා සිටියේ පසුගිය වෙසක් සමයේ මෙම පැමිණිල්ල ලැබී තිබුණු බවත් ඊට පෙර වැටුප් නොදීම පිළිබධව කල පැමිණිල්ල එම පවුලේ දියණියකගේ එකඟතාවය මත ඉවත් කල බවද කාන්තාව ගෙන්වා ගැනීමට අවශ්ය පියවර ගැනීමට උත්සාහ කරමින් අවශ්ය පරිසරය සූදානම් කිරීම සිදුකළ බවද පසුගිය වෙසක් සමයේ පැවති නිවාඩු නිසාවෙන් ගෙන්වා ගැනීම අපහසු වූ බවත් කෙසේ වෙතත් නැවත නිවාඩු අවසන්ව කාර්යාල විවෘත කරන විට ඇය ලංකාවට ගෙන්වා තිබුණු බව සඳහන් කළාය .
සිද්ධිය සම්බන්ධයෙන් අවශ්ය කරුණු කාරනා ඉටු කර තිබෙන බවත් පැවසූ ඇය සිත් තැවුලෙන් මිය ගිය පුද්ගලයාගේ මරණය පිළිබඳව වගකීම විදේශ සේවා නියුක්ති කාර්යංශයට භාර ගැනීමට නොහැකි බවත් එය ප්රතික්ෂේප කරන බවද සඳහන් කළාය .
මියගිය සිව් දරු පියාගේ දේහය මේ වන විට වෑවල වැව පිහිටි නිවසේ තැන්පත් කොට ඇත .